စစ်ကောင်စီတပ်တွေက တောင်ခြေဘက်မှာရှိတဲ့ KNLA စခန်းကုန်းတွေဘက်ကို တက်တာကနေ စပြီးတော့ တိုက်ပွဲစဖြစ်
"စစ်ကောင်စီတပ်တွေက တောင်ခြေဘက်မှာရှိတဲ့ KNLA စခန်းကုန်းတွေဘက်ကို တက်တာကနေ စပြီးတော့ တိုက်ပွဲစဖြစ်တာ။ လေးကေ့ကော် နေရာတော် တော်များများ တိုက်ပွဲဖြစ်နေတယ်"
လေးကေ့ကော်တိုက်ပွဲအတွင်းရောက်ရှိနေသူ စစ်ဘေးရှောင် ပြည်သူတစ်ဦးနှင့် ဆက်သွယ်မေးမြန်းချက်
By ရန်ကုန်ခေတ်သစ်
ကရင်ပြည်နယ်၊ KNU တပ်မဟာ ၆ နယ်မြေ၊ လေးကေ့ကော်မြို့သစ်ကို စစ်ကောင်စီတပ်များက ယမန် နေ့မှ စတင်ပြီး ဝင်ရောက်စီးနင်းပြီးနောက် ယနေ့ နံနက် ၁၁ နာရီ ၁၅ မိနစ်တွင် စတင်ပြီး တိုက်ပွဲဖြစ်ပွားနေပြီဖြစ်သည်။ တိုက်ပွဲအတွင်း ပိတ်မိနေသော စစ်ရှောင်ပြည်သူများရှိနေပြီး ရန်ကုန်ခေတ်သစ်သတင်း ဌာနက အဆိုပါ စစ်ရှောင်ပြည်သူတစ်ဦးကို တိုက်ပွဲအခြေအနေနှင့်ပတ်သက်ပြီး ဆက်သွယ်မေးမြန်းထားသည်။
မေး။ ။ လေးကေ့ကော်မှာ ဘယ်လို တိုက်ပွဲစဖြစ်တာပါလဲ။
ဖြေ။ ။ တိုက်ပွဲဖြစ်နေတာက လေးကေ့ကော် ၆ ရပ်ကွက် အနောက်ဘက်ပေါ့။ အဲဒီကနေ စစ်ကောင်စီတပ်တွေက တောင်ခြေဘက်မှာရှိတဲ့ KNLA စခန်းကုန်းတွေဘက်ကို တက်တာကနေ စပြီးတော့ တိုက်ပွဲစဖြစ်တာ။ အခုအချိန်အထိ လက်နက်ကြီး၊ လက်နက်ငယ်တွေနဲ့ တိုက်ပွဲဖြစ်နေတယ်။
မေး။ ။ အခုတိုက်ပွဲက ဘယ်နေရာတွေမှာဖြစ်နေလဲ။
ဖြေ။ ။ လေးကေ့ကော်ဗျူးပွိုင့် အမြှောက်ကုန်းက ပစ်တာနဲ့ ။ လေးကေ့ကော် တောင်ဘက်မှာရှိတဲ့ ရသေ့ဂူဆိုတဲ့နေရာနဲ့ အဲဒီဘက်မှာလည်း တိုက်ပွဲတွေဖြစ်နေတယ်။ လေးကေ့ကော်ရေတံခွန်ဘက်ကိုလည်း အမြှောက်ကုန်းကနေ လက် နက်ကြီးတွေနဲ့ ဖြစ်နေတယ်။ တိုက်ပွဲက လေးကေ့ကော်နေရာတော် တော် များများမှာ ဖြစ်နေတယ်။
Comments
Post a Comment